शांतनू मॉइत्रा: बहती हवासा बावरा मन

प्रसिद्ध पार्श्वसंगीतकार, संगीतकार शांतनू मॉइत्राचा जन्म 22 जानेवारी 1968 मध्ये लखनौ इथे झाला. त्यांचे शालेय शिक्षण (स्प्रिंगडेल स्कूल) येथे झाले. " इथे गाता गाता माझ्यातल्या संगीताला वाव मिळाला. आत्मविश्वास मिळाला " असे ते सांगतात. त्यांच्याच स्प्रिंगडेल स्कूलचे माजी विद्यार्थी सुश्मित बोस या अर्बन-लोकगीत गायककडून त्यांनी संगीताचे धडे घेतले.

इकॉनॉमिक्स मध्ये डिग्री पूर्ण केल्यानंतर ते एका ऍड एजन्सी मध्ये क्लायंट सर्व्हिस एक्सिक्यूटिव्ह म्हणून रुजू झाले, आणि संगीत केवळ छंद बनून राहिला होता.  एकदा अगदी लास्ट मिनिटाला जिंगल बनवायची आहे असे प्रदीप सरकार यांनी शांतनुना सांगितले. त्यांनी ते जिंगल बनवलं. ते होतं " बोले मेरे लिप्स, आय लव्ह अंकल चिप्स ". यानंतर त्यांनी अनेक कंपनींसाठी जिंगल्स बनवले.

नंतर त्यांनी त्यावेळी प्रसिद्ध अशा इंडी-पॉप अल्बम्स साठी संगीत दिले. शुभा मूदगल यांनी गायलेली " अब के सावन ऐसे बरसे " आणि '' सपना देखा है मैने "  ही त्यातली काही गाजलेली गीते.

2002 मध्ये मुंबईला शिफ्ट झाल्यानंतर त्यांना सुधीर मिश्रांच्या " हजारो ख़्वाईश़े ऐसी " साठी साईन केले गेले. " बावरा मन देखने चला एक सपना " पासून गीतकार स्वानंद किरकिरेंशी त्यांची चांगलीच गट्टी जमली. परिणिता, लगे रहो मुन्नाभाई, 3 इंडियट्स, पीके, वज़ीर यातील त्यांची कामगिरी अप्रतिम. परिणिता साठी त्यांना त्यावर्षीचा फिल्मफेअर आर. डी. बर्मन पुरस्कार मिळाला तर 2014 ला ' बंगारु तल्ली ' साठी राष्ट्रीय पुरस्काराने सन्मानित केले गेले.

एकाहून एक सरस, श्रवणीय संगीत बांधता बांधता हा माणूस पुन्हा पाहिल्याप्रमाणे फ्रेश होतो. आज Happy Birthday Shantanu. असेच आम्हाला रिझवत राहा..

- रमा