सरताज सिंग ( सैफ अली खान ) या प्रामाणिक पोलिसाला अचानक माफिया जगतातील खूप मोठ्या गँगस्टर गणेश गायतोंडे( नवाजुद्दीन ) कडून टीप मिळते, की काहीच दिवसात मुंबई संपेल. आणि सुरू होतो एक खेळ माफिया, पोलीस जगत, राजकारण, सेक्सवर्कर्स, धर्म, यांचा खेळ. अश्वत्थामा, हलाहल, ययाती असे एपिसोडस्. (त्यांची नावे तशी का आहेत हे बघायला नीट पाहायला लागेल. दिवस फ्री असेल तर Bingworthy आहेच)
नवाजुद्दीनने नेहमीप्रमाणे काम छान केलं आहे पण तो मराठी माणूस नाही वाटत. गायतोंडे नाही वाटत. बाकी त्याचं काम सुंदर. मराठी नसता तर अजून चांगला इफेक्ट आला असता. कुकू, बंटी अशी काही पात्रं महत्त्वाची आहेत. सैफ अली खानने त्याच्या आयुष्यातली सगळ्यात मोठी झेप इथे घेतली आहे. गिरीश कुलकर्णी, राधिका आपटे अशा मराठी लोकांसोबतच भाव खाऊन जातो तो जितेंद्र जोशीने साकारलेला (काटेकर). जीव ओतणारा प्राणी. आहा. अप्रतिम.
शिव्यांनी ओतप्रोत भरलेला, सेक्स, हिंसेने भरलेला. सेक्रेड गेम्स. बॉलिवूडमध्ये किंवा नव्या पिढीच्या वेब सिरीज जगतात क्रिमिनल वर्ल्ड हे अगदी रोजची उठण्याची - बसण्याची जागा अशी रंगवलेली आहे. एकदम डिट्टेल. पण तसा तो असणारच. या सिरीज चा जॉनर च क्राईम थ्रिलर आहे. शिव्या नको असतील तर नेटफलिक्सवर फॅमिली ड्रामा पाहावेत.
माफिया जगतात "आपला पार्श्वभाग सांभाळा" अशा भाषेची अपेक्षा कशी करणार? संवाद आहेतही करारी, त्यांची फेकही करारी. काही काही वेळा अंगावर शहाराही येतो. पण अनुराग कश्यप टच आला की तो 'तोचतोचपणा' पाहून तो शहारा जातोही.
वय +16 . फॅमिलीसोबत पाहण्यासारखी नाही. न्यूडीटी वर हकनाक दंगा करणार्यांना सांगावं वाटतं, यार तुम्हाला शरीर नाही का? का कपडे घालून आलात जगात? सेक्स सीन्स जरा अति आहेत, आणि ते टाळता आले असते हे मात्र पटतंय. पण इथे कोणत्याशा कमेंटमध्ये समलैंगिकतेवर निगेटिव्ह लिहिलेलं नाही आवडलं. (I hope that was sarcastic)
अशा पठडीचे काही पाहण्याची तयारी असेल तर पाहा, नाहीतर मी 'सेक्रेड गेम्स', आणि 'गेम ऑफ थ्रोन्स', 'नार्कोज', 'ब्लॅक मिरर' नाही पाहिलं तर लोक मला वाळीत टाकतील की काय अशा जबरदस्तीने बघू नका. सीजन-2 पाहिल्यावर त्यावर लिहीन.
@रमा जाधव #Netflix #SacredGames
Comments